شلون يشتغل BIDX؟

للمشتري

سجّل برقم موبايلك وإيميلك. رمز التأكيد يوصلك على الإيميل.
اشحن محفظتك بزين كاش أو كي كارد بمبلغ التأمين (يبدأ من 25,000 د.ع، وأكثر للسيارات والعقارات).
زايد على المزاد أو اشترِ بالسعر الثابت. إذا أحد تجاوزك نبلغك فوراً ويرجعلك تأمينك.
إذا ربحت، تتواصل ويّا البائع وتستلم يد بيد وتدفعله مباشرة.
تضغط «تمّت الصفقة». نخصم عمولة المنصة من تأمينك ويرجعلك الباقي.

للبائع

عرض الإعلان مجاني. صوّر الغرض واكتب وصف صادق.
اختار مزاد (سعر بداية + مدة) أو سعر ثابت (وتگدر تقبل عروض).
نراجع الإعلان وننشره. تتابع المزايدات لحظة بلحظة.
لما ينباع، تسلّم الغرض وتستلم فلوسك كاملة من المشتري.
إذا المشتري انسحب، ياخذ تأمينه غرامة، وجزء منها يجيك كتعويض.

قواعد المزاد

كل مزايدة لازم تكون أعلى من الحالية بـ«أقل زيادة» على الأقل.
المزايدة التزام بالشراء إذا ربحت.
إذا صارت مزايدة بآخر 5 دقايق، المزاد يتمدد 2 دقيقة، حتى الكل ياخذ فرصة.
البائع يگدر يحط سعر أدنى سري؛ إذا المزاد ما وصله، ما يلتزم بالبيع.

إذا صارت مشكلة

ما وصلني الغرض: بعد موعد التسليم تبلّغ من صفحة الصفقة، ويرجعلك التأمين كامل. وما تخسر شي لأنك تدفع وقت الاستلام بس.
مو مطابق أو بيه ضرر مخفي: تطلب إرجاع خلال 3 أيام، ويّا صور يبين بيها رمز الصفقة مكتوب بخط إيدك.
الضمان والإرجاع لأي سبب: حسب اللي اختاره البائع، ومكتوب بكل إعلان.
التفاصيل الكاملة بـالشروط وسياسة الإرجاع.

العمولة

3% من سعر البيع، يدفعها المشتري بعد إتمام الصفقة (أقل شي 2,000 وأكثر شي 250,000 د.ع). البائع ما يدفع شي.