سياسة الخصوصية

مسودة أولية — آخر تحديث 5 أكتوبر 2026

شنو نجمع: رقم موبايلك، اسمك، محافظتك، صورتك الشخصية إذا رفعتها، إعلاناتك وصورها، مزايداتك، رسائلك داخل المنصة، حركات محفظتك، وصور وصولات التحويل. ليش: حتى نشغّل الحساب، ونرسل رمز التأكيد والإشعارات، وننظم المزادات والصفقات، ونحمي المستخدمين من الاحتيال، ونحل النزاعات. منو يشوف شنو: اسمك ومحافظتك وتقييمك يبينون للكل. رقم موبايلك ما يبين لأحد، إلا للطرف الثاني بصفقة مفتوحة حتى تتواصلون. الإدارة تگدر تشوف المحادثات عند وجود بلاغ أو نزاع. الصور: نشيل بيانات الموقع (GPS) وكل البيانات المخفية من الصور قبل ما نخزنها. المشاركة: ما نبيع بياناتك لأحد. نستخدم مزودي خدمة لإرسال الرسائل (مثل خدمة الإيميل وواتساب) فقط لإيصال الرمز. أرقام بطاقات كي كارد ومحافظ زين كاش اللي تكتبها للسحب نستخدمها بس للتحويل إلك. حذف الحساب: تگدر تطلب حذف حسابك وبياناتك من الدعم. نحتفظ بسجلات الصفقات والحركات المالية للمدة اللي يطلبها القانون. التواصل: عبر صفحة الدعم داخل التطبيق.